සූර්ය පැනල යනු වර්තමානයේ විදුලිය නිපදවීමට ඇති වඩාත්ම කාර්යක්ෂම සහ පරිසර හිතකාමී ක්‍රමයකි. නමුත් ඒවායේ උපරිම ක්‍රියාකාරීත්වය පවත්වා ගැනීමට නිසි නඩත්තුවක් අත්‍යවශ්‍ය වේ. විදුලි නිෂ්පාදනය අඩුවීමට බලපාන ප්‍රධානතම හේතුවක් වන්නේ පැනල මතුපිට අපද්‍රව්‍ය තැන්පත් වීමයි. විශේෂයෙන්ම දූවිලි, කුරුලු වසුරු, පරාග, කාබන් තැන්පතු වැනි කාබනික අපද්‍රව්‍ය (organic soiling) බහුලව දක්නට ලැබේ. මෙම අපද්‍රව්‍ය තැන්පත් වීම මගින් පැනලවල කාර්යක්ෂමතාව අඩුවනවා පමණක් නොව, ඒවායේ ආයු කාලයටද බලපෑම් ඇති කළ හැකිය.
Chemitek වෙතින් එන Solar Wash Protect (SWP50) යනු
ප්‍රකාශ වෝල්ටීය (photovoltaic) පැනල සඳහාම විශේෂයෙන් නිපදවන ලද, සහතික කළ, 2-in-1 පිරිසිදුකාරක සහ ආරක්ෂණ විසඳුමකි.
මෙම ජෛව හායනයට ලක්වන (biodegradable) 2-in-1 විසඳුම:
01). කාබනික අපද්‍රව්‍ය (organic soiling) පිරිසිදු කරයි.
02).සූර්ය පැනල සඳහා ආරක්ෂාවක් සපයයි.
SWP යනු සාන්ද්‍රණය කරන ලද, pH අගය උදාසීන (pH neutral), පහසුවෙන් ජෛව හායනයට ලක්වන සහ පරිසර හිතකාමී දියරයකි. එය ඔබේ සූර්ය පැනල පිරිසිදුව තබා ගැනීමටත්, නඩත්තු සහ පිරිසිදු කිරීමේ වියදම් අවම කර ගැනීමටත් උපකාරී වේ. SWP හි අද්විතීය සංයුතිය මගින් පුළුල් පරාසයක කාබනික අපද්‍රව්‍ය පිරිසිදු කරනවා පමණක් නොව, antistatic (ස්ථිති විද්‍යුත් නොවන) සහ antiadherent (ඇලීම වළකන) ආරක්ෂිත ආලේපනයක්ද පැනල මතුපිට ඇති කරයි. මෙම ආලේපනය නිසා පිරිසිදු කිරීම් අතර කාලයේදී අපද්‍රව්‍ය තැන්පත් වීම අඩු කරන අතර, මීළඟ පිරිසිදු කිරීම වඩාත් පහසු කරයි. මෙහි ප්‍රතිඵල ලෙස ඉහළ කාර්යක්ෂමතාවක්, දිගු ආයු කාලයක් සහ සූර්ය පැනල පිරිසිදු කිරීමට වැය වන කාලය හා ශ්‍රමය අඩුවීමක් අපේක්ෂා කළ හැක. (කුරුලු වසුරු, දූවිලි, කාබනික අපද්‍රව්‍ය, මී ඉටි වැනි දෑ SWP මගින් පහසුවෙන් පිරිසිදු කළ හැකි බවට සත්‍ය උදාහරණ ඇත.)
TÜV Sud මගින් සූර්ය පැනල සඳහා සහතික කර ඇත
ජාත්‍යන්තරව පිළිගත් TÜV Sud පරීක්ෂණාගාරය මගින් SWP, සූර්ය පැනල සඳහා ආරක්ෂිත බවට සහතික කර ඇත. මෙම සහතිකය මගින් SWP භාවිතය නිසා පැනලයේ කොටස් වලට (උදා: ඇලුමිනියම් රාමුව, anti-reflective ආලේපනය, සිලිකන් සීල්) හානි නොවන බවත්, ආලෝක සම්ප්‍රේෂණයට බාධා නොවන බවත්, දූවිලි තැන්පත් වීම සහ ඇලීම අඩු කිරීමට antistatic සහ antiadherent ආලේපනය ඵලදායී බවත් තහවුරු කරයි.
ප්‍රමුඛ පෙළේ PV නිෂ්පාදකයින් විසින් අනුමත කර ඇත
Solar Wash Protect යනු ප්‍රධාන පෙළේ PV නිෂ්පාදකයින් (PV manufacturers) විසින්ම අනුමත කරන ලද එකම සූර්ය පැනල පිරිසිදු කිරීමේ නිෂ්පාදනයයි! Astroenergy, Canadian Solar, CSun, Evvosolar, GCL, JA Solar, Jinko, LonGi, Renesola, Risen, Seraphim, SunTech, Trina Solar, Ureco, Zn Shine ඇතුළු නිෂ්පාදකයින් 15 දෙනෙකුගෙන් SWP වෙත අනුකූලතා ලිපි (letters of conformity) ලැබී ඇත
මෙම විසඳුම විශේෂයෙන් නිර්මාණය කර ඇත්තේ:
සියලු පරිමාණයේ: නේවාසික (residential), වාණිජ සහ කාර්මික (C&I), සහ මහා පරිමාණ (utility) සූර්ය පැනල පද්ධති සඳහා.
ඕනෑම ස්ථානයක: භූමියේ සවිකළ (ground), වහල මත (rooftop) සහ පාවෙන (floating) පැනල සඳහා.
අතින් සහ රොබෝ තාක්ෂණයෙන් (Manual and robotic) පිරිසිදු කිරීමේ ක්‍රම සඳහා.
යෙදෙන සූර්ය පැනල පිරිසිදු කිරීමේ වෘත්තිකයන් (solar cleaning professionals) සඳහාය.
ඔබ ඔබේ සේවාවන්හි කාර්යක්ෂමතාව වැඩි කිරීමට සහ වෙළඳපොලේ වෙනසක් ඇති කිරීමට බලාපොරොත්තු වන සූර්ය පැනල පිරිසිදු කිරීමේ වෘත්තිකයෙක් නම්, Solar Wash Protect ඔබට ගැළපෙනම නිෂ්පාදනයයි. සාමාන්‍ය ජලය පමණක් භාවිතයට සාපේක්ෂව, මෙය භාවිතයෙන් බ්‍රෂ් කිරීමට අවශ්‍ය ප්‍රමාණය අඩු කරයි, එක් පැනලයක් සඳහා භාවිතා කරන ජල ප්‍රමාණය 50% දක්වා අඩු කරයි, සහ ඔබේ සේවාදායකයින්ගේ පැනල මාස 6ක් දක්වා ආරක්ෂාකාරීව තබයි. මේ නිසා අඩු ශ්‍රමයකින් වේගවත් පිරිසිදු කිරීම් සිදු කළ හැකි අතර, ඔබේ සේවාදායකයින් වඩාත් සතුටු වනු ඇත!
මෙම සහතික කිරීම් සහ අනුකූලතා ලිපි මගින්, වගකීම් (warranties) අවලංගු නොවන බවට සහ පවතින හෝ අනාගතයේ සිදුවිය හැකි හානි සඳහා වගකීමක් නොමැති බවට ඔබටත්, ඔබේ සේවාදායකයින්ටත් අවශ්‍ය විශ්වාසය ලබා දේ.
ප්‍රතිලාභ:
- පුළුල් පරාසයක කාබනික අපද්‍රව්‍ය ඉවත් කරයි: දූවිලි, කුරුලු වසුරු, පරාග, මී ඉටි, ගස් වලින් වැටෙන මැලියම්, ග්‍රීස්, කාබන් තැන්පතු වැනි අපද්‍රව්‍ය ඵලදායීව දියකර හැරීමට Solar Wash Protect හි ඇති උසස් ද්‍රව තාක්ෂණය (advanced liquid technology) උපකාරී වේ.
- කාර්යක්ෂමතාව 5% දක්වා වැඩි කරයි: SWP50 හි අඩංගු antistatic සහ antiadherent ආලේපනය මීළඟ පිරිසිදු කිරීම් පහසු කරයි, පිරිසිදු කිරීම් අතරතුර පැනල පද්ධතිය පිරිසිදුව තබා ගනී, පිරිසිදු කිරීමට ගතවන කාලය අඩු කරයි සහ ජල පරිභෝජනය 50% දක්වා අඩු කරයි. ජලය පමණක් භාවිතා කර පිරිසිදු කිරීමට සාපේක්ෂව, සූර්ය පැනල කාර්යක්ෂමතාව 5% දක්වා වැඩි කිරීමට ඉඩ සලසන අතර, එය සූර්ය බලාගාර හිමිකරුට සැලකිය යුතු ආර්ථික වාසි ගෙන දෙයි.
ක්‍රියා කරන්නේ කෙසේද?
Solar Wash Protect හි ඇති උසස් ද්‍රව තාක්ෂණය, බ්‍රෂ් කිරීමේ යාන්ත්‍රික ක්‍රියාව සමග එක්ව, අපද්‍රව්‍ය බිඳ දමා දියකර හරී. මෙම සාන්ද්‍ර ගත සංයුතිය ඉතා ඵලදායී වන අතර ඔබේ නිශ්චිත පිරිසිදු කිරීමේ අවශ්‍යතා වලට සරිලන පරිදි විවිධ අනුපාත වලින් තනුක කළ හැක. නිෂ්පාදිතය ජලය සමග මිශ්‍ර කරන්න (අයන ඉවත් කළ ජලය – demineralized water අවශ්‍ය නොවේ), පැනල මතුපිට ඉසින්න (spray), හොඳින් බ්‍රෂ් කර, අවසානයේ පිරිසිදු ජලයෙන් සෝදා හරින්න! දැන් පැනල ඉතා පිරිසිදු වන අතර, යෙදූ ආලේපනය ඉදිරි මාස 6 සඳහා පැනල ආරක්ෂා කරනු ඇත.
ප්‍රධාන වාසි සාරාංශය:
- සූර්ය පැනල වලින් කාබනික අපද්‍රව්‍ය ඵලදායීව ඉවත් කරයි.
- සියලුම වර්ගයේ සූර්ය පැනල (photovoltaic සහ thermal) සඳහා භාවිතා කළ හැක.
- පැනල වලට හානි නොකරන, ආරක්ෂිත සහ විෂ රහිත සංයුතියකි.
- අපද්‍රව්‍ය තැන්පත් වීම අඩු කිරීමට උපකාරී වන ආරක්ෂිත ආලේපනයක් සපයයි.
- පිරිසිදු කිරීමේදී කාලය සහ ජලය ඉතිරි කරයි.
- පිරිසිදු කිරීම් අතරතුර පැනල පිරිසිදුව තබා ගැනීමෙන් ඒවායේ කාර්යක්ෂමතාව වැඩි දියුණු කරයි.
කර්මාන්ත සහ යෙදවුම්:
- ප්‍රකාශ වෝල්ටීය පැනල, සූර්ය තාප පැනල (solar thermal panels), ප්‍රකාශ වෝල්ටීය උළු (photovoltaic tiles) ආදිය පිරිසිදු කිරීම සහ ආරක්ෂා කිරීම.
- සූර්ය පැනල පිරිසිදු කිරීමේ සමාගම්.
- තමන්ගේම මෙහෙයුම් සහ නඩත්තු කණ්ඩායම් (O&M teams) සහිත PV බලාගාර.
Disclaim
මෙහි අඩංගු සියලුම තොරතුරු chemitek.pt වෙබ් අඩවියෙන් ලබාගෙන ඇත. වැඩි විස්තර දැනගැනීම සඳහා කරුණාකර chemitek.pt වෙත පිවිසෙන්න
